流金歲月
睇"流金歲月"真係睇到好激氣,有無記ｄ劇總有一個無分析能力，一味信奸人既角色，”流金”就落左係Oscar身上．佢可以體諒到輕度弱智妹妹，讓她出外工作，讓她拍拖，但就點都體諒唔到丁善本，一個由細玩到大既哎呀大佬．．．
佢未必知道個二叔好奸，因為佢初時都唔做公司野，點會知二叔做左咁多蠱惑野，但Oscar都應該有自己既分析力，打劫自己公司，造假脤．．犯法，點可以咁錯落去，仲要當IVAN係奸，二叔咁教佢，二叔都好人”有限”啦．＼
我真係好想掌摑Oscar架！林生演出真係唔錯．．有幾幕真係好抵讚，以佢當時二十三？總之好ｙｏｕｎｇ，可以做到咁
有一幕，二叔勸佢打劫自己公司，ｏｓｃａｒ眼神猶疑不定，臉帶不安與不知所措模樣，自然地流露出一個年青人徬徨焦慮的情緒．．．
另一幕，阿康叫ｏｓｃａｒ唔好再搞佢個妹，而Kiko就在車內聽住，ｏｓｃａｒ好衰格咁說了一連串傷害ｋｉｋｏ的話，，一副”係你個妹自己犯賤”既表情，真係好賤，林生好少做到咁賤，但又真係”賤得好型”．
ｏｓｃａｒ對ｋｉｋｏ係真心，所以在坐牢，同ｋｉｋｏ講一番話，我好感動．佢會同ｂｂ講，佢真係好鍾意佢阿媽（ｋｉｋｏ）林峯同楊恰拍感情戲，由於佢兩個都擅於演內心戲，又交流到，所以那些對話，好有真實咁．
不過，最後兩集，一定係林生搶哂鏡，尾二個集，ｋｉｋｏ，媽媽，茵茵叫ｏｓｃａｒ，無做過，唔好認罪，最後一集，法庭戲，ｏｓａｒ見到大哥，一路聽住大哥講自己，個種內疚，流水開始黎，後來同阿康爭認罪，真係超好睇，林生淚水如瀑布，一湧而下，眼都紅埋，配合埋個種激動．．．好深刻．．．林峯以佢咁年紀可以做到咁，依家影圈的影帝，好多都係電視出身，佢地當年廿幾歲都係咁上下，所以林生真係好出色．
林生勝在演感情戲好逼真，又喊得好似，連我父親睇”流金”，都讚林生．無記眾多男主角之中，我父親鍾意睇馬國明，陳豪，其他ｄ佢都唔鍾意，第一次聽到佢讚林生，真係千古奇聞．
個人認為，”流金歲月’都係近年時裝長劇之中，整體黎講，好正既一部，高潮迭起，一波未停一波又起，有張力，而難得既係，最尾一集有懸疑性，以往的長劇，就是依家呢ｄ，如溏心，賭場及酒店風雲，你都係睇下奸角點收場，或點扭轉敗局，但”流金歲月”就玩了一個”誰人開槍”的問題給觀眾去想．．．加上眾演員的演出，老中青都演得有水準．值得一提，艾威既招積律師，陳國邦既輕度弱智佳佳都好精彩．
上次都話，流金歲月”“賭場風雲”有ｄ似架啦．劇情有部份都係阿哥認細佬，不過，“流金”有兩個細佬．而兩個阿哥Bobby，嘉良女朋友都係宣萱，阿哥好友好朋友都係許紹雄．細佬女友楊恰．兩個劇都有個細佬畀人唆擺，對付自己阿哥．當然“流金”係個哎呀細佬．
而對白方面，”流金”羅嘉良：”贏左場官司，輸左兩個細佬”，”賭場”呢，ｂｏｂｂｙ：”贏左場比賽（賭局），輸左個細佬”．．．
歲月風雲
睇完＜流金歲月＞，我就開始睇＜歲月風雲＞．
＜流金＞林峯唱的片尾歌，真係幾好聽，我好鍾意，但首歌係米在”律政新人王”片尾都有唱過？我有無搞錯左呢？Poutine，你如果只係睇了＜流金＞後半部，係要睇番前半部，我幾鍾意前半部既Oscar，佢同羅嘉良，杏兒，有一幕三人玩”伸舌頭”，好cute，仲有佢見到”威威”，笑出黎那種純真，好可愛
去年，我都有睇少少既，第一集好明顯係抄日本既＜華麗一族＞，睇完第一集，已經唔想睇，跟住斷斷續續黎睇，六十集．．．個故事又係恩怨情仇，人物又好多，我無乜興趣去追看．當時最喜歡睇劉松仁，佢演技好，又壓到場，佢被秀風撞倒，由初時唔行得，跟住好辛苦咁行得番，好精彩！其實＜大時代＞佢畀鄭少秋打到傻下傻下，松哥既演技可以用”出神入化”黎形容．
由於六十集，我忍唔住跳左，先睇左秉怡，秀風同華少既三角關係
秉怡，秀風果真時代女性，獨立堅強，同華振邦產出唔少”火花”．佢地三個開始認識時，都係一ｄ公式野啦，誤會，鬥氣情節真係少不了．雖然幾年無睇無記既劇集，但以前都睇唔少，所以開始數集，佢地三個既情節，真係唔係好吸引我播．依家，睇埋咁多林生既劇，就更加覺得唔特別囉！林峯，杏兒，佘詩曼都演得投入，但無太多情節觸動到我．振邦向秉怡表白，話唔畀佢再受傷害，個場面拍出黎，我唔覺感動．
我反而喜歡＜喊驚＞那幕，秉怡哭著叫”振邦你番黎啦！”，跟住振邦走過來，淡然說了句：”傻妹，我番黎啦！”，沒有婆媽，沒有激動，唔知點解，我好喜歡林生呢種淡然．而杏兒亦演得自然，所以睇得好舒服
另一幕，秉怡，拍架Van仔，佢好擔心振邦有事，後來振邦出來，一種懶洋洋的神態，好少見到林生演這種頹廢的角色，雖然我都係覺得佢太靚仔，如果個妝可以再化髒一點就好了．整套＜歲月風雲＞，我最懷念及最喜愛，可能係華振邦既頹廢．．．
華振邦同榮秀風，有一幕，我睇了數十次，就係在後巷，振邦好激動，拿著爛的玻璃樽，振邦隻手都流哂血，叫秀風殺左佢，放過華家，佢唔想秀風再痛苦，殺左佢就可以放下呢個包伏．．．秀風流淚，兩人繼而抱頭痛哭，唔好話秉怡，呢一刻，我都感受到兩人深愛著對方，兩個都好辛苦，當振邦說”對唔住”推開秀風（我估係振邦醒起要娶秉怡），秀風真係比死更難受．阿佘同林峯演感情，都係高手，呢幕真係睇到我好痛．
”歲月風雲”－圍繞住”中國人的汽車夢”，”家”，個理念我係欣賞既，但六十集太長了，而且有ｄ場面太多廣告．
個結局，我同阿爸真係笑爆咀，咁就可以勸掂馬德鐘回頭．．．．
松哥真係好好戲，特別係佢被阿佘架車撞倒之後，有一幕講佢去坐輪椅上扶手電梯，好勁，都幾危險．阿佘，我覺得後半部演出幾好，特別係在內疚之下，面對松哥，幾場戲．
我都好鍾意松哥，黃淑儀，同清瑜，振邦相處的時間，佢地演到好似一家人，有一場，講佢地玩大富翁，好Warm,
我好鍾意，松哥入醫院後，振邦同阿佘回家，在家中，振邦打爛杯，對阿佘哭說阿爸好勝，連打波都要贏，依家．．．．”，阿佘跟住用手把振邦一擁入懷， 嘩！睇到我淚水都流哂出黎，呢場戲迫真到．．．勁呀！少爺！
另外，有一場，振邦被屈刺傷馬德鍾，要在羈留所，阿佘去探望．
阿佘個樣真係好委屈，阿佘係呢類型角色既強項，以前睇”酒是故鄉純”，她演順風，都係堅強中，又帶點委屈，不過，今次有點奸．
振邦質問秀風”點解撞親阿爸唔同佢講”，兩人停頓了一，兩秒，兩人對望．
我幾喜歡呢種感覺，振邦那種氣憤及咄咄逼人”我等緊你解釋”的表情，阿佘就好驚，因為自己最愛既老公突然間知道呢件事，一時間唔知點解釋，有點惶恐，一點怕失去振邦的神情，阿佘掌握得好好．
雖然我都覺得阿佘同林峯唔係好襯，但佢地兩個演情侶，阿佘係可以交到戲畀少爺，好緊要！
本來係應該睇"雲海玉弓緣",可惜睇左十集之後, 其餘睇唔到，睇黎同呢個劇既緣份淺左ｄ，完成唔到．
林生個造型真係好深山野人Feel ,無記真係好真實,但唔好睇囉．以前無記拍"倚天"既無忌哥哥都住左係深山好一陣子, 造型都無咁奇怪.我呢ｄ人真係衰，又話係欣賞林生既演技，但遇到咁既造型，又嫌人．個角色係需要野人ｆｅｅｌ架麻．
睇左十集＜雲海玉弓緣＞，我覺得葉璇同林峯係幾襯，＜再生緣＞我真係唔忍得王甫少華咁老實，好似呆呆地咁，佢每次叫’麗君”呢個名，我都忍唔住笑．
今次＜雲海＞，世遺兄雖然係忠厚，但無少華兄咁無知，都接受到，而葉璇亦好適合演一ｄ肩負起秘密任務的角色．李彩華就唔識演戲，但靚囉！睇個劇，唔知點解令我想起＜倚天屠龍記＞，世遺兄令我想起張無忌，葉璇令我想起超敏，個幕丐幫重地，只有歷任幫主可以入去，令我想＜明教＞重地只有教主可以進入．唔知原著係咁，還是無記改成咁．不過，我都只係睇左十集，可能後面唔係咁，不過，可惜暫時都未有機會睇埋佢．．．．
天涯俠醫
在Pacific Coffee，突然有人叫我個名，我以為聽錯，原來係一個好多年無見既中學同學，我就唔認得佢，一班舊同學都幾長情，在街見面一定會打招呼，本來係有聚會，但通常我都去唔到，無辦法，我呢ｄ工唔係咁易就時間．
講番＜天涯俠醫＞，最近四川地震，真係令人好痛心．所以就睇番＜天涯俠醫＞，因為呢個劇講無國界醫生，去救人醫人．
草龍醫生就真係俠骨仁心，為貧苦大眾受務，同＜妙手仁心＞不同，＜妙手＞講中產生活．我喜歡＜龍城＞那種似社工的醫生．林生飾演KEN，齊百恒．．．外型就好好，西裝配上一副好平實既眼鏡，加上手勢唔錯，好似一名專業醫生．
但，扮病人就唔似．林生患肝癌，接受化療，唔係好似，外表唔似，不夠憔悴，又胖了一點吧，其實我真係唔係感受到佢好辛苦囉－化妝唔夠，林生當時既演技亦未做到，不過，林生現在再演的話，我深信佢會演得好．
但我喜歡佢與商天娥，那段戲，叫商天娥睇佢ｄ照片，佢又想要等ｂｂ出世，影一張全家福．．．不煽情，唔需要淚水，但係ｗａｒｍ，ｔｏｕｃｈｉｎｇ，商天娥演技係有水準．
另外，恒仔完成療程，與草龍隨便地，仰卧在綠油油的草地上，陽光普照下聊天．又或是與唐寧在草地上聊天，那種感覺，好自由自在，人生好似充滿生機．．．
呢個劇，唐寧初時以為ｋｅｎ二世祖玩玩下，ｋｅｎ強調佢做義工係好認真，對唐寧係好認真．．．我突然想起，好似林生寫照，其實佢都好努力去告訴別人，佢拍劇係好認真架．
尋秦記
我本身好鍾意<尋秦記>,因為個故事好有新鮮感, 原來歷史可以咁樣玩.
古天樂係型仔,我父親啦, 我部門既"老爺"(同事尊稱呢為受人愛戴既男上司 )都讚佢既外型, 不過, 演技麻麻. 得幾個表情. "型"定勝天, 受男女歡迎.
古天樂演項少龍,幾適合佢, 因為古仔夠型, 似將軍. 萱宣其實無乜發揮, 郭羨妮對白唔清楚, 特別是"國"變成"各"....聽起來, 唔係好順耳囉.
睇<尋秦記>時, 已知道有"林峯"呢個人, 因為佢既背景啦, 已經被人大篇幅報道, 仲有一句" 古天樂"接班人, 點會唔記得佢呀!
當時滿有期待, 寫得句"古天樂"接班人, 我估都有番咁上下, 仍好記得當時看到林生既感覺, "咁細呀! 有排才可以浸到好似古仔咁既男人魅", 唉, 當天的男孩, 現在已真正散發出其男人魅, 我也驚覺時光原來真係走得好快.
<尋秦記>既林生, 以當時佢既年歲, 由憤世嫉俗, 終日撩事鬥非既趙盤, 到終日 擔心被人揭穿身份既贏政, 到霸氣十足既秦王, 佢都算係掌握到角色既心理變化, 我地睇到角色性格上係循序漸進既, 有層次既變化, 當然, 有時真係誇左d, 亦喊唔出, 唔係好似依家咁, 話喊就喊.
好多幕都唔錯, 特別後半部份, 好多都很喜歡, 特別以bb性命要脅江華及姚塋塋, 林生沒有太多表情, 但已給人一種陰險, 一種狠透心的感覺. 第一幕出場, 被古仔騎住黎用酒照頭淋, 最後一集, 與古仔說分享江山, 都好深刻, 林峯真係有一種演戲既天份,加上後天努力, 現在真是很出色的....
