“家好月圓”首集感想
首集人物眾多, 又要好快交代人物關係, 真的有點令人吃不消. 加上對之前”溏心”印象深刻,見番同一班人, 真的要時間去消化今次的人物關係.
但我都幾喜歡荷媽爛Gag, 那個”一波三折”, 都幾有趣. 還有菊姐的莎姨, 心直口快, 有時有點煩, 但某些對白又真係幾”抵死”.
林峯過往演過好多專業人士, 如醫生, 律師等, 又或是有錢仔, 二世祖. 今次他在”溏心”中的管家仔, 是一個突破. 第一次感受到林峯演的角色”平民”化.
言談舉止上, 跟過往的角色有別. 今次管家仔, 打理餅店.管家仔首集最後一幕是乘搭渡輪, 想再遇到于素秋, 拿著個類似紅白藍的袋, 帶點傻氣, 左顧又盼, 沒有了過往的角色如樂斌的Smart, 沒有程亮的Sharp, 貼近了管家仔的角色.
而林峯今次最終可以發揮他的模仿及搞笑天份發揮出來, 那一幕叫司棋姐種牙, 否則會變無牙婆, 跟著林峯就扮”無牙婆”說話, 抵死又搞笑.
“女人唔易做”中, 齊寬會”窒下”賤Man, 今次再下一城, 同菊姐”舌劍唇槍”, 菊姐回來在機場品評眾人, 管家仔都禮尚往來: “ 咁多行李, 莎姨, 你走私呀?!”
第二集－記最喜愛的幾場戲
菊姐真係好正，說話刻薄，但有ｄ真係一針見血，她拿地拖打夏雨，真係大快人心，加上菊姐又絕不留手．
陳法拉，楊怡及林峯以手語交談，另外，于素秋到管家仔的家，被法拉，楊怡取笑是其女友，他們的表現真的儼如見妹般，好Warm,好親切．管家仔嗲祖母，第一次見林生表現得咁嗲，好自然，唔肉麻．
于素秋要爭住Sponsor荷媽種牙，荷媽好自然咁拍了管家仔兩次，笑管家仔多事，把種牙之事說出去，看到荷媽此舉動，看到管家仔的反應，兩母子關係親厚．
看到祖爸要荷媽交出“花好月圓”招牌，管家仔蠱惑的微笑，把莎姨放出來，抵死的拋下一句：“莎姨，到你啦 ”
溏心第四集有感
贊成夏雨所說, 今次陳豪演出都幾特別, 雖然有人話似得得地, 但其實有別於得得地, 說語的語調及節奏有分別.得得地係搞笑,但充滿責任感, 而今次阿卡(家), 搞笑之餘, 擺明就係唔鍾意紅姨, 但又無能為力改變現狀, 有d “bae”, 發悔氣的語氣.
陳豪總想用不同的演繹方法, 去演繹不同角色.
昨晚, 管家仔陪妹妹阿慶去見工, 管家仔做翻譯, 真的令人動容.
陳法拉演得好, 記得”家好”開拍, 我已經對陳法拉有所期待, 佢真係好用心去學手語. 而林峯把聲又富感情, 後來二人說到流淚處, 我也眼濕濕.
編劇寫得好正, 無論笑同哭, 都沒有聲音, 阿哥安慰妹妹, 卻被 老師誤會, 妹妹卻又解釋不到. 只有阿哥明白妹妹好想出外工作……一場戲已經交代到啞巴的難處, 無奈, 同埋兄妹情深
我好喜歡阿峯的管家仔在勞工處(我估係勞工處) 幫妹妹找工作, 細看版上的招聘廣告, 抄下內容. 我喜歡呢一幕, 係因為好唔似林峯. 我, 獅子貓及Candi曾說過, 管家仔有點似林生本人, 但林生就無咁草根. 但呢一幕就完全唔似囉.
莎姨同阿月-互罵互扯亦好正, 菊姐楊怡都去到盡….一絕.
管家仔與啞妹妹
如果你看過張華標的另一部作品<千謊百計>, <家好月圓>內的管家仔與啞妹妹
會有點似曾相識的感覺. <千謊百計> Bosco係管家仔, 楊思琦係啞妹妹. 當然<千謊百計>又是一次為演員度身訂造的, Bosco既管家仔, 與楊思琦是哎呀兄妹, 大家都是被騙子擄走後, 被魯娘苑瓊丹收養, 身為家中唯一男丁, 既要照顧阿媽, 又要照顧啞妹妹. Bosco亦都是一名稱職的管家仔, 因為他現實生活中,也是一名管家仔, 阿媽有什麼問題都會找兒子解決.
戲內, 楊思琦的手語亦相當純熟, 而她本身形象就是乖乖女, 有拉小提琴的天份.
張華標的拿手戲-兄妹情, 濤哥哥為了妹妹, 去求著名的小提琴家, 去為妹妹的婚事張羅, 而哎呀妹妹暗戀哎呀哥哥, 愛在心裡口難開, 他們加埋苑瓊丹, 也給人好溫暖的感覺, 其實都相當好看. 而<家好月圓>我覺得, 是張華標想將<千謊百計>的兄妹情寫得更加細膩, 更完美<千謊百計>遺漏了, 如啞妹妹的心情, 笑時, 哭時 也沒法出聲, 那種無奈, 比<千謊百計>寫得更好. <千謊百計>的哥哥疼妹妹, 但未必真的好了解她, 以為自己所安排的, 是最好, 忽略了好好的感受, 當然到最後, 學識體諒. 而<家好月圓>的哥哥就好了解妹妹, 懂得怎樣去幫助她.
管家仔與啞妹妹, 無論在<家好月圓>還是 <千謊百計>, 還是正面的, 樂觀的. 啞妹妹從不會埋怨, 自嘆自憐自已的缺憾, 這是我非常欣賞張華標的地方.
我自己比較意外的是, 估不到林峯可以演到一名活潑及搞笑的管家仔, 想起昨天他扮盲, 說中文式英文, 唱One Way Ticket, 好爆笑. 可能我受到過往他所演出的角色的影響. 反而陳法拉, 我就預料到她可以懂得去如果處理這個角, 之前看過”原來愛上賊”,”溏心風暴”,”通天幹探”, 我看到她有一份潛質, 加上看到有一些藝人讚她勤力, 天份加努力, 我沒有看錯她.
家好月圓11及12集有感 2008年8月13日
以為前晚”家好”，夏雨醉酒扮羅記（激光中）阿Lam（十分十二寸），管家仔及阿卡陪舞好笑，點知昨日，阿卡扮阿紅，李香琴，跟著，眾兄弟姊妹安慰中仔
不過，搞笑之餘，夏雨又忽然聲淚俱下，向仔女道歉，真係好感人，亦令我想起夏雨在去年”溏心”，想留住打算與Jackie私奔的Gilbert，又是由好開心至流哂淚．
而昨晚那集，阿卡：”我地班兄弟姊妹來自三山五嶽，Member有攞女，啞女，做餅仔，白粉仔．．每個都超搞笑．
呢幕令我想起, 雖然每人都有缺點, 但每人都有自己的潛能及優點-每人頭上一片天.
”家好月圓”真係一個都不能少，每位藝人都好投入，他們給我們的感覺真的好像一家人，好溫暖，無論老中青，都好正，每位都係扮野高手．
而編劇為他們每一位都度身訂造，令佢地發揮所長，更發揮佢地既潛能．而每集都做到有搞笑，有溫情，有罵戰，對白又抵死精警，總之務求每晚都帶動到觀眾的情緒，與角色悲喜與共．
我覺呢個劇比起”溏心”，在各方面，處理手法更見成熟．
沒有留言:
張貼留言