林峯－聲色藝俱全

三個月，睇左林峯咁多劇，但我都無法寫個總結，因為林生入行十年，我只係今年留意左佢三個月，他的演藝十年，無論作品及新聞，我都唔清楚．

我必須承認，我睇錯左（所以我依家換眼鏡），我以前對林峯係有主觀的偏見啦．我既偏見係，以前如果個劇有林峯，我已經先入為主，想到個劇唔會唔”悶”呢？米就係咁既心態令我卻步．我仲天真到以為林峯多影迷多歌迷，係因為靚仔囉．＜太極＞唔係因為講明係一ｄ硬橋硬馬真功夫，我估我又會再一次錯失去認識林峯演戲功力的機會．

我必須承認，我有點愚昧，我太主觀．幸好，上天還是給我呢個傻瓜一次機會．

林峯－電視方面，我好認同＜電視劇＞內的一句話，好多經典角色，令人永不磨滅的角色，回味無窮．好多角色，我都鍾意，好多鏡頭我睇完又睇，之前的日記寫過啦，唔再寫．林峯演的角色如贏政，賴藥兒，孟磊，風行烈等心理變化都好大，但林峯，以他的年紀，演到如此有說服力，感染力，我真係好佩服佢．以前我以為林峯係”悶”，但寇仲，齊寬，樂斌等角色，就令我知道，我錯了！林峯的喜劇感及幽默感，係別具一格，不誇張的，但會令你發出會心微笑．

看了多部劇，監製之中，我覺得林峯好似未跟梅小青合作過，但我都幾想二人合作，梅小青擅長拍溫馨的家庭倫理劇，輕鬆小品”絕世好爸””爸爸ｘｘ””金牌冰人”．．不太複雜，又ｗａｒｍ．

監製王心慰，就只係跟林生合作過”yummy yummy"一個劇，王監製可能都係喜歡鄭生多ｄ．而論討好程度，”yummy yummy"鄭生既角色，當然好過二世祖鵝少啦．唔知王監製唯一一次找林峯演出，仲要演鵝少，係因為林生在星馬有超強人氣的關係，還是她認為林峯好勝任．．．．

而金牌監製劉家豪，好多劇集都高收視，我好佩服佢，佢監製既作品，我真係睇唔少．唔知係佢選林峯演程亮，還是誰，今次真係忍唔住說一句”咁大整蠱呀”，雖然林峯認為好有挑戰性，初時仲預左被人罵．．．．

真係好多謝同林峯，如果唔係個編劇在後面寫到程亮咁有悔意，程亮傾盡全力到死一刻仲幫常在心，如果唔林峯超好既演技，感動到觀眾，以程亮呢個一腳踏兩船，跟女友既好朋友談戀愛，仲對阿媽呼喝，為了事業，可以唔見左女友既阿爸，仲覺得無問題．．．．．．．ｄ女性仲會欣賞程亮嗎？編劇同林峯竟然”力挽狂瀾”，”扭轉頹勢”

我終於明白啦，”溏心”除左大細契，鮑鮑，得得地，程亮以客串身份都跑出；”女人唔易做”一部描述女人種種的劇，同鄧萃雯，吳美珩做對手，ｄ視評米一樣說林峯係亮點，一樣唔會被掩蓋．．．

至於唱歌跳舞，林峯說過香港很少有一ｄ又唱得又跳得既歌手．我都好認同．聽過林峯唱歌，睇過佢跳舞．我都深信佢得既．

林峯演過好多類型角色，無論角色討唔討好，在事業的低潮，林峯都唔交行貨．林峯最唔高興被人話佢係二世祖，但佢都接演過呢類角色－Yummy Yummy鵝少就最明顯，一個好演員，什麼角色都演下．當然我仍覺得林生演戲係有保留，我希望，林峯將來演戲，可以再放ｄ，去得更盡．．．．

  

朋友ｐｏｕｔｉｎｅ，同我講過（因為我對林峯一無所知），曾幾何時，無記對林生唔好，．林生都試過陷入低潮．．．

林峯有一個好好既起步，＜尋秦記＞已鋒芒畢露，當然佢真係好努力，才令贏政咁出彩，咁出位，後來因某ｄ原因，林峯事業陷入低潮，我就唔知係乜啦，但好多位娛樂圈既大哥，影帝，都有經歷過人生的低潮期，我反而好欣賞林峯佢捱到，無放棄，本來佢一句：”我唔做”，跑回去做家族生意，佢有得選擇，但林峯還是好堅毅，堅持，除了他的才能，他的堅持與毅力亦令我好欣賞佢．低潮期，都係一段人生歷程，我個人覺得係一好好既鍛鍊，亦會學到野．依家米好囉，又充滿希望．

回想起，討論區曾問過邊個女演員同林峯最襯，睇左咁多部，我反而覺係要視乎個劇，同當時林峯與該女演員的交流與狀態啦．

我本來覺林峯同楊怡好襯架，從來無想過李詩韻都可以，睇完”布依神相”，我覺出奇地舒服，李詩韻演嫣夜來太到位了，林峯又同佢交流到．而我覺阿佘同林峯唔襯，但”歲月風雲”，佢兩個相愛又相害，又令人回味．睇完”大唐”，就是國內演員李倩，你都會為玉致跟寇仲唔可以在一起而傷心；仲有好多人唔喜歡既胡杏兒，”律政新人王”佢同林峯又一樣夾．