“家好月圓”寫凌ｂ同于素秋個段，唔係多餘，係編劇寫得唔夠深入．
佢抄以前商台廣播劇“戀愛二分一”，廣播劇裡面，個男主角叫夏祟哲，女主角阿雪，夏祟哲在英國讀書，有個大過自己七年既女朋友Cindy，供阿哲讀書，後來阿哲在香港識到阿雪．
昨天“家好”的對白真係似曾相識，廣播劇內，Cindy走去同阿雪講，本來有ｂｂ，後來墮了胎，而阿哲從阿雪口中得知此事，阿哲又走去問Cindy；“點解你墮胎呢件事同阿雪講，唔同我講”．．．．．
當年個廣播劇好受歡迎，今次“家好”個編劇把注意力集中在寫家庭糾紛，爭餅店，呢段戲係編寫得兒戲左．
管家仔呢幾集演得幾正，在公園同嫲嫲哭訴自己與于素秋的痛苦，在家人面前，幫于素秋，寧願在大家，嫲嫲面前，說自己妒忌凌醫生，都唔想畀人知于素秋做人第三者，同埋昨晚，佢同于素秋做回兄妹，于素秋說尋不回以前的感覺，管家仔無奈的笑，真係好準確，林生入哂戲．
林生演繹內心真係好棒，搞笑扮野亦好正，睇左咁多集“家好”，唯一的問題是，佢唔可以粗魯，有時候真係有點唔自然既．不過，“少年四大名捕”真係有所期待，林生好適合演“無情”，有點冷又有睿智，同樣亦聲音演繹步驚雲的好人選，因為步驚雲內歛沈鬱，阿峯把聲配合的步驚雲的性格．
沒有留言:
張貼留言