今天超級黑仔 2008年5月2日

今天普天同慶既傳聖火日，可惜我做左超級黑仔王

我以前就好少睇林生的訪問，我估呢篇訪問，對好多林生既粉絲黎講，普通野，因為可能以前都睇過類似既內容，但對我呢個完全唔認識林生既人，睇完覺得呢篇訪問，記者的感想，林生既回答，原來林生係一個可以在真正既風雨中，或是人生既歷程上，處之淡然既人．．．．

因為昨晚睇左本”君子”訪問，今天我在公事上的兩件麻煩事，我會想起林少爺在君子講”十個問題，解決到兩個問題已經好開心．”，少爺咁淡然處理順逆流，我都要跟佢學習一下，哈哈！

而且我都覺得自己好彩既，因為儘管超黑仔，但有好同事陪著走，同事ｋ來安慰我，大佬更出手相助，解我困境，同事ａｊ就更陪我放工，父親知道後仲跟我說笑；當然唔少得多謝你，Poutine, 你提我買＜君子＞，仲有你千辛萬苦找來的 Kidult．．．．人間有情．．

想起＜君子＞講”創世記”少爺做獄卒．．我都有ｄ印象，係米就係押解郭可盈（在台灣被告殺了陳錦鴻）個位台灣獄卒？？

林峯劇集2

美味情緣

朋友ｐ，我搞錯左，唔係北角黎，真係食藥食到傻下傻下，咦？咁北角既戲係米已經完哂呢？

ｐ，你話畀數字煩親，係米”個本雜誌”？我無聽”查＊＊訪問少爺仔”節目，但呢件事，我既心底話，四個字講哂”我信林峯”，而一般市民，真係要睇佢地心目中既少爺係點．．．．而個本雜誌既內容，我都係用四個字”嘩眾取寵”

講番美味情緣，當年我應該係睇過，而有食肆亦有魚咬羊呢味菜，我食過，仲有個三寶，我都食過兩味，因為當時係電視劇講過，之後又有酒樓煮到，味道唔差架

整體來講，好睇過依家ｄ劇好多，雖然當時都知係有抄日劇加地道港產元素，但最重要係抄得出色，因為天下文章一大抄，吳啟華都係少爺格，但做馬友又真係幾抵死，真係幾寸，馬德鍾飾演龍賜新，佢夠型仔，但演技．．．其實佢係呢部劇，同”衝上雲霄”有乜分別？係無既，是單拿個西裝ｌｏｏｋ既鏡頭，叫你估，你未必知佢演緊那一部．

楊千嬅，十年如一日，但我ｂｕｙ，因為佢既傻笑已經係一個標誌．．．

少爺仔啦，戲裡面米少爺仔性格，好適合佢做，初頭幾集其實係有點唔自然，後來越做越好．當時無乜其他新仔，雖然其他人都已經入了無記，但無記當年只係力捧少爺，所以戲份十分重，而少爺又真係演得好正，喜劇感好好．

當佢坐在遊艇，想緊自己係米喜歡千嬅，一臉疑惑的樣子．．．

有一幕坐小巴，向千嬅表白，蝦頭笑得好燦爛：”我鍾意食糖．．嗒糖老少咸宜．．”拖住啦，挨住千嬅，好鬼懶皮蛇．．．，少爺既優勝處，正如ｐ母親講的，好自然，佢真係好入戲，招積天才小廚師，唔誇，唔木，佢真係招積得黎唔會乞你憎，你只會笑笑口：”死仔，咁寸．．．”佢份自信加埋陽光既笑容，你會覺得一個年青人應有既幹勁．

林峯係呢個劇，我覺得都係．．．四個字”流暢自然．”

佢暗戀陳慧姍的ｌｕｍ樣，情竇初開．．．

佢向阿媽撒嬌：”好累”，同花枝講”阿媽就黎錫你多過錫我”

仲有好多好多幕，真係令人回味，因為少爺唔會，亦唔可能做回呢ｄ角色．．．

除左寇仲，蝦頭一定係我最喜愛的角色之一

Yummy Yummy

雖然見過討論區有人話Yummy Yummy係爛劇,但睇完＜美味情緣＞，又想睇埋一部我以為係關於食既劇集，點知原來係講班人點樣奮鬥，點樣團結，一起刻服困難．



個故事原意係好既，檸檬為個家付出好多努力，Mandy好有原則同正義感，雞仔踏實又老實，鵝少就大隻“講”，“講就天下無敵，做就無能為力”既二世祖，

Terry純品，不怕吃虧，Yuko無知有錢女，每一個角色都有特質．．．一個遊戲就把呢幾個唔同國籍，身份背景既人拉在一起，有文化差異，有背景不同而產生的矛盾．．．



我會覺得，故事好多枝節，好似一幅唔完整既砌圖，欠了幾塊圖片似的，令到好似有點亂．．．



鄭生既雞仔，會不會太斯文呢？Terry, Yuko都演得唔錯，Terry一時普通話，一時唔純正既廣東話，都幾得意．

阿佘既角色，好似為佢度身訂造．．．．

楊怡，我好喜歡睇佢每次隱瞞阿佘自己的真正身份，一副好為難，好不安的神情掌握得好好．



林生既鵝少，一方面好積極去建立一樣野，但就無毅力去完成，既喜歡浮誇，但又常失威無面，一方面有小聰明，另一方面卻不實際．

好多點子，但又常逃避問題，戲裡眾多主角當中，以呢個角色缺點最多，要做好多唔同反應，面對同事要威要面，要士氣，死頂，但背後回到自己辦公室，家裡，就會愁眉不展，呢個角色係幾好玩，林生又發揮到個角色特性，似足二世祖.

溏心風暴

老友, 今次我唔係睇得快, 係去年"溏心"首播時,我已經睇左啦!

雖然去年我都唔明白點解會睇"溏心', 仲係由第一集已經睇起, 因為當時黎講, 我無乜特別喜愛無記既藝員. 我只知道呢班係無記力捧既藝人,仲有當時我有好奇心, 點解林峯客串既? 唔係擔正架咩?  當時我好耐無睇無記既劇, 但都知道林峯已經係一線小生...客串咁浪費?

睇完整套劇, 坦白說, 對程亮呢個角色, 討厭佢,亦都好同情佢.

等左好多集, 仲於林生出場, 當時係出於好奇, 睇下佢個角色係點

第一次, 程亮在便利店偶遇常在心, 我第一個感覺係...林生,你好似大病一場, 唔係好精神播. 不過, 當常在心回憶起與程亮過往學生時代的經歷, 我好喜歡用左好多舊既經典情歌陪襯, 加埋畫面, 我覺得好浪漫, 唔需要交代太多, 唔需要口水多, 一些生活片段, 配合適當樂曲, 已經好容易令人投入. 那段戲, 我看了好幾次,因為我當時都錄左. 仲有程亮與常在心打完排球, 在車尾箱拿出一束花,  都好sweet.

後來我睇番dvd, 原來有跡可尋, 程亮常有打探常在心有沒有男朋友....

但我好討厭程亮唔體諒常在心, 佢地每次吵架, 我都會替常在心不值, 你估常在心好想有個咁既阿哥,而程亮為了公事, 幾乎唔埋常在心既老豆...., 程亮仲同女友既好友拍拖，見到ａｌｆｒｅｄ同水擘擘一齊真係火都黎埋，　特別是他在電話騙常在心，自己卻在水擘擘家．．．勁乞我憎　　..

個一下鎖門聲, 睇到我心痛,心痛常在心, 常在心對Alfred咁好，雖然當然Aｌｆｒｅｄ係同水擘擘講分手，但常在心卻要面對她心愛的人背叛她的事實．．．

不過，ａｌｆｒｅｄ既道歉，偷情係幾刺激，佢米講緊多好人既心聲囉，當時我真係憎到ａｌｆｒｅｄ極點架．

後來，由討厭變同情，佢個ｄ沒有常在心的第ｘ日，講出佢失去常在心那失落，加上林生把聲又真係好動聽，佢同常在心的日記心聲，真係好似廣播劇，好好聽．．．

見到ａｌｆｒｅｄ失去母親的悲痛，深深感受到，原來佢憎恨母親係因為愛之深，恨之切，從ａｌｆｒｅｄ的悲慟，我深深體會到ａｌｆｒｅｄ的後悔與遺憾；

見到ａｌｆｒｅｄ因為常在心打第一單官司，在美國開會都飛回來幫她，當ａｌｒｅｄ乘車離開時，說到好唔捨得常在心．．．唉！我好同情佢，因為雖然終於明白自己最愛既係常在心，但番唔到轉頭，常在心好似對自己已經死心．

唉！這麼近，那麼遠．．．唏噓．．．

程亮死個幕，我覺得超正，在電話亭用盡最後一口氣去幫常在心，說出疑點，含住淚，笑別常在心，係我心目中，係經典黎, 　林生真係演得好好，你會ｆｅｅｌ到程亮真係好唔捨得常在心，好真實，好真摯．　

唔好話常在心，我估好多觀眾，包括我，一定原諒ａｌｆｒｅｄ　

看見常在心認屍，看見常在心想拿回那貝殼遺物．．．．好難過！

＜流金歲月＞

睇到ｄ人話好喜歡＜流金歲月＞，所以一定要睇下．以前都係睇過幾幕，因為

那時候根本沒有興趣追無記既劇，邊有耐性睇呀！今時就唔同往日，依家有番ｄ意慾睇劇，最主要，都想睇下以前林生係點．．．．

五一假期，睇左十幾集．．．



首主題曲好動聽，好易記入腦，畀人好warm既感覺，特別是開始的哨子前奏，劇入面羅嘉良都有吹呢首歌，真係好舒服．

討論區ｄ人選“最想邊位藝人回歸拍劇，羅嘉良既票數總會好高，真係好合理，羅嘉良既演技魅力吸引你去睇，佢同宣萱又好合拍．呢部劇真係高手雲集，秦沛、劉丹，劉江、許紹雄、陳國邦，佢地精湛既演技，令我唔捨得跳得太快黎睇, 而胡杏兒呢部戲喊得好自然（當佢知道爸爸去左好遠既地方），唔知點解”亂世佳人“同”太極“喊得咁誇．我本身就好鍾意楊怡，今次佢同林生演情侶，我當然好開心啦，楊怡同林生睇海豚ＢＢ出生那幕，講契爺，契媽，而之後楊怡扶林生起身，講無論點都會支持佢．．．佢地交流得好好．我就唔係好喜歡溫兆倫，但佢演得唔錯，幾好笑．仲有吳卓羲，Bernice, 當時佢地係新人，都幾自然．



林生．．佢呢個角色變化比較大，我依家只係睇到一個少不更事，熱愛海豚，無不懂事的年青人，所以都係睇多ｄ才說啦



“流金歲月”“賭場風雲”無巧不成話．劇情有部份都係阿哥認細佬，不過，“流金”有兩個細佬．兩個阿哥Bobby，嘉良女朋友都係宣萱，好朋友都係許紹雄．

兩個劇都有個細佬畀人唆擺，對付自己阿哥．當然“流金”係個哎呀細佬．

2008年4月26日

朋友ｐ，下次你星期五來北角走走，昨天林生又在北角拍戲，不過今日見到林生博客才知道乍，可惜上星期五無拍啦，星期五既比率幾高，四月十一，二十五．．．我呢！註定一定要公開活動才可以見到林少爺啦！

睇左一半”美味情緣”，少爺仔一臉稚氣，又真係幾好笑，好似做番自己咁，但我好鍾意睇，已經少爺仔大個仔啦，回想起”溏心”，唉！少爺仔演技除了進步左，樣子都穩重左．．．．唔怪得朋友ｐ既母親咁喜歡啦，我都覺佢好可愛呀！

不過，我無法忍受老實既少爺仔，所以睇”再生緣”，跳哂黎睇，不過，當時少爺仔身手已經唔錯．ｆａｉｔｈ講，原來少爺仔學過跆拳，佢又讀降築，音樂．．少爺仔真係好勁，學過咁多野，佩服＾＾

大唐雙龍傳

大唐雙龍傳

因為都病左幾日，實在唔可以好似之前咁，兩日睇完林生一套劇．寫博客都覺得好艱難．

雖然咳到死下死下，睡都睡得唔好，但又忍唔住爬起身睇下林生既”大唐雙龍傳”，其實套劇開頭幾集真係麻麻地．我就睇唔少武俠劇，好多首集都拍得唔錯，呢部都算係少有，首集拍得咁唔緊張，布衣神相好得多．

呢個劇特技都算係咁，適合小朋友，我就覺可以啦．

兩個孤兒仔徐子綾，寇仲，都係有智有勇既小混混，跟住當然係同其他武俠小說一樣，好多奇遇，哎呀老豆李密，靚女阿媽，靚女師父．．．唔知係我病到頸暈眼花，還是無精神睇，初頭真係覺故事鬆散．．．．後來我慢慢才可以投入到．

不過，林生飾演既仲少真係超正，唔怪得咁多人喜歡，雖然口甜舌滑，但亦有情有義．有點聰明，武功又好，又係領軍之才，我估唔到林生都做到呢類角色，呢類角色如果演得誇，變成輕佻不足，令人嘔心有餘，如果演得生硬，失去了仲少應有的魅力．我未睇過原著，所以不知道原著人物仲少係點，但我就好鍾意林峯表現出呢個版本的仲少．見佢同秀寧反面，即柴紹下毒害仲少，秀寧仍維護柴紹，真係令人好心酸既．

秀寧，我好同情佢，玉致可以不理任何事，跟住仲少，我好體諒秀寧，當時形勢，家族利益大前提，佢係無錯既，佢初時都係想仲少成大器再去提親，可惜人算不如天算，後來佢亦明白仲少同玉致係相愛既，唯有自己瀟灑一點，成人美事．秀寧太聰明，太會體諒別人，楊怡亦演得好精彩，展現到秀寧柔中帶剛，深藏內心隱痛．．．特別佢見到仲少背住玉致，及與玉致騎馬．

未睇哂，但睇到現在，天下四分，王世充，太原李閥，宇文化及，瓦崗寨李密，互相計算，逐鹿中原，仲少在幾個閥中一爭朝爭，鬥智鬥力幾精彩．．．．

吳卓羲徐子綾，我略嫌呆板了一點，原著角色係米咁？但佢同林生出奇地合拍，真係好似兄弟咁．

終於看畢電視版的”大唐雙龍傳”，後半部份，真係不錯．．．

自幼就好喜歡金庸既武俠小說，深信書中所謂”俠之大者，為國為民”．

王易筆下，或是無記所交待的，徐子陵，寇仲又再一次展現出這種情懷，而且情操更高尚，他們明白李世民是治國之才，甘為Simon Lee犧牲，慷慨就義，何況雙龍與Simon Lee真係”喻，亮”．

想起寇仲，就是卧在床上，淚水仍然係緩緩流下，我沒想過，真的沒想過寇仲會死，還深信人定勝天，我仲以為找人易容代替就可以．．．後來我回想起，又無理由，由無辜的人送死．．．

由孤兒仔到顯赫一方的少帥，寇仲竟然甘於為天下百姓福祉，甘於放棄跟李世民爭天下，甚至最愛的人及自己的性命，呢種胸襟情操，令人拜服，令我喊完又喊，令我唔甘心既係，英雄難過奸妃關，董妃因愛成恨，幾打得既英雄都要埋在黃土中．．．

看見寇仲，跟秀寧看煙花，跟玉致幕天蓆地看星，他說他已經好滿足，浪漫中帶點傷感，因為已經看了和氏壁的寓言．

寇仲臨死前，跟秀寧說一份初戀情人的浪漫及秀寧所言，她錯失了，這就是仲少的真感覺，睇到劇的一半，我已經覺得仲少是愛上玉致，只是仲少自己唔知，患難中已與玉致建立了深厚感情，秀寧，初戀的豆芽夢．

玉致－好幸福，與仲少共渡一段如此精彩的經歷,最後，唔知係佢幻想出來，還是仲少既鬼魂，但那幕係黯然既，係傷心既，但是都係幸福

磨到頑石也溶,將恨意歸空 2008年4月17日

”磨到頑石也溶 將恨意歸空”

人呢，唔係我話佢點好，我話佢點衰，你就會認同既．

要欣賞一個人，要憎一個人就要靠自己去體會啦！

林生對工作既誠意，同能力真係令頑石也點頭，也溶既，不是全部，但起碼好多唔喜歡佢既人，睇左佢既演出，恨意都會減退，甚至歸空．

當初我睇＜太極＞，係因為趙爺，趙爺既功夫，耍既太極係好好睇既，雖然我從來都唔憎林生，但想都無想過因為＜太極＞鍾意左林生既．去年，我都睇過”溏心”啦．

林峯既Alfred臨死仲含住淚，帶著一絲微笑，教常在心點打單官司，當時我好感動，好難過．．．．好驚訝，林峯演得咁好，仲有死了阿媽，到常在心處，抱著常在心痛哭，係令人動容．對我黎講，我印象中，只是幾年前看過”律政新人王”，跟住我都無睇過林生既劇，依家先至睇番哂．

去年我睇了林生一篇報道，知道林生係客串性質，點知戲份越來越重，客串都演得咁用心，真係好難能可貴．雖然係咁，但我都只視林生為一位好演員．當時我總覺得林生太乖仔，四平八穩．．．嘻嘻，我總覺得男人有點壞，我才覺得正．

＜太極＞畀我既感覺係，林生真係好厲害，我從來唔相信佢可以打得似模似樣，好有大師風範．．．．．．同埋，真係每個人唔同體會啦，大家可能覺得我奇怪．

但我好喜歡，當子規罵曉星有私心，才殺巫馬，當子規誤把曉星當巫馬，曉星又．．．事後在江邊，痛哭大叫，後來，當子規愛上曉星，問曉星是否有戒子給她，曉星似有難言之忍，竟騙子規說沒有，當曉星落敗，拉小提琴，子規三次提及曉星落敗，曉星發脾氣．曉星亦有理智一面，如誤會巫馬殺父，會去道歉．又發展原來被局長，副市長利用，又是另一個痛苦

段曉星呢個角色，好多矛盾，好多內心爭扎，無論感情，爭掌門位．．．好多位，林峯都掌握到，唔過火，以林峯咁既年紀，可以演到咁，就算我呢舊石都會溶啦！

雖然依家睇番佢其他劇，原來佢演既”風行烈’，難度都好高，好多矛盾．

原來我都幾衰，林山的角色，越多矛盾，越受折磨，我越鍾意，因為佢發揮到角色的複雜處，痛苦處．林生既演出，原來係會令人心痛既．

原來我既快樂係建築在林山既痛苦演出之上

林峯劇集

如果講律師的電視劇, <律政新人王>必然係我最喜愛之一.當年2003年左右,第一次睇, 我都錄哂黎睇

睇番<律政新人王>, 林峰, 胡杏兒, 廖碧兒, 陳鍵鋒, 當時以新人來說, 四位演員都好精彩, 起碼自然.

<律政新人王>劇本出色, 令每一個角色都好有自己風格, 而不會偏重某一條線,

<律政新人王2>不好的地方,就是偏重了MK及官under 條線..

<律政新人王>因為全是年青律師, 敢於違規來討公義, 不拘泥於法律程序, 踏界來申張正義, 而劇集流暢, 好快又完一個case.


律政新人王

陳鍵鋒Smart, Handsome,有點自負,而且真係演得好似律師, 好有說服力.

胡杏兒,,有型, 有原則, 好有性格, 亦演得不錯, 反而好過演<太極>及<亂世佳人>,可能杏兒天生女強人, 演弱者沒有說服力.

廖碧兒傻裡傻氣卻又好好打, 暗戀陳健鋒, 好多表情好好笑

林峰-都幾好笑, 同胡杏兒都好夾,穿西裝都幾型

08年, 現在睇番呢班新人王, 無記係無捧錯人, 他們都好捱得, 勤力及進步 , 亦受觀眾歡迎.

布衣神相

改編自溫瑞安的＜布衣神相＞，我無睇過原著，但我覺無記拍得唔錯．

劇情緊湊，枝節不少又環環相扣，每集的尾段總會留下伏線或緊張情節，令你好有追看下一集的意慾．兩條主線既有關連，又平衡發展．角色們都有自己風格，劇情是集合了好多武俠片的元素．武打亦唔錯，但電腦特技一般啦．



男主角一位是李布衣，精通五行術數，耿直，以天下為己任．另一位男主角是賴藥兒，醫術冠絕武林，但由於患了早哀症，生性不羈，口花花．

女主角－好無奈的夢色，無論生父養父都不是好人，好堅強既嫣夜來，為了所愛，可以赴龍澤虎穴．


雖然我從不覺得林文龍演技好，但他好適合演李布衣，穩重有原則，他對夢色含蓄的愛，都幾好睇．楊怡今次都算係擔正女角，戲份多，她演得不俗，但唔算好突出．林峰演繹賴藥兒，精彩！輕佻，不浮誇，有情深一面，到後來發長到冷血無情，充滿怨恨，林峰都掌握到．當然林峰強項－淚水，今次又大派用場，賴藥兒抱著哥哥屍首痛哭，為了嫣夜來流淚．．．

李詩韻最正的演出－嫣夜來，好有性格，亦有柔情一面。

我既博客URL只畀過我兩位舊同學，其他朋友及舊同學，同事都無畀，有緣既，米搵到囉．

寫左博客一年多，真係無熟人撞過入黎，呢度唔係facebook, myspace,freindster, 點會係博客找到熟人呢？！

世事無絕對，驚喜無限．．．．

從來無想過”林峰”二字，會把你帶來此地，我同你都肯到好驚訝！！

從來無想過你會喜歡上林峰．．．．

因為林峰，你我可以聊到超過１小時，直到你電話無電，認識你五年了，在電話上能聊得這麼久，都是罕有的，初相識時就試過．．．．

因為林峰，下次我們去Tea，再不是在尖沙咀或佐敦，係在北角.

血薦軒轅

個人喜好-古裝武俠劇

同內地合作, 雖然內地演員我唔識, 但佢地真係好好演技

火生叔既義氣同忠心, 司馬義既劍客風範    , 及 那位令我咬牙切齒既狠毒司馬騁婷...都令我印象深劇.

以秋官之齡, 仲打得咁瀟灑,已好難得. 呢部戲, 以電視劇黎講,動作設計真係唔錯.

拍群馬追捕場面都幾正, 當年我都好似睇過個製作特輯,唔易拍.

當然, 戚其義最拿手, 恩怨情仇, 今次又令人看到好激氣.

始終唔明白, 孟磊點解咁易被司馬小姐欺騙, 編劇真係專登要觀眾睇到好激氣??

最深劇, 孟磊背著阿姐爬山崖, 兩人背住, 阿姐想犧牲救個仔,孟磊流住眼淚求阿媽唔好棄.....真係好正.

林生身手真係利落, 雖然話有威也, 但一個鏡頭過, 其實好少見其他無記藝 人做過, 飛過一道牆, 落地個下好優雅, 好穩, 如果以體操項目來說. 以 10 分 滿分, 林生呢一跳, 值9.95分.


女人唔易做

看見討論區，選大家最喜愛林生的電視劇，我還沒有看哂，正在努力中，所以唔揀住，但林生演戲實在好正，無論任何角色，佢都演到好有感染．．．好難選擇

我睇過既，齊寬，賴藥兒，段曉星，程亮，樂斌，風行烈，呢幾個角色，我都覺得林生演繹得好好，林生唔會overact, 內心戲更是冠絕新一代小生．在電視圈，好多男主角真係要磨練好耐才有演技，以前聽人說過，十年一小生，理由係小生可以好多，但要擔起一部戲，有演技而受大部份人歡迎，真係幾年，甚至係十年出一位．

講番”女人唔易做”，朋友ｐ小姐極力推介，在一大堆，我都未睇過既林生作品之中，（我去年才留心睇番無記既劇），既然ｐ小姐咁大力推介，我就睇下．

唔睇好地地，睇左之後，鍾意到不得了，肯定係自我懂得睇劇以來，最愛十大之一．好真實，好笑，有共鳴的一部．內有公司權力鬥爭，說出女人要立足公司不容易，生仔之痛，月經之苦，愛情上年齡的差距．

朋友ｐ，你好好眼光

劇本好，反映現實又令人發出會心微笑，選角一流，所有演員出色，他們都掌握到角色神髓，辦公室的爭鬥真係極真實，鄧萃雯的Hilda姐外剛內柔，爭扎求存的女強人，好似好多香港既女高層．唔怪得當年賤ｍａｎ引起如此大的迥響，謝天華真係演到笑裡藏刀，我之前有睇”鐵咀銅牙”，早幾年的”法網伊人”，謝天華絕對係一個被人乏略了的好演員，佢都係忠奸得宜，唔會過火．吳美珩的氣質，我常覺得好清麗脫俗，所以齊寬喜歡她絕對合理．

高Ling同齊寬的姐弟戀，我覺真係好ｓｗｅｅｔ，同好笑．少男情懐愛上一名比他大七年的離婚女子．．．過情好艱辛，但好搞笑．

Hilda姐設計借種，高LING勇救少男，齊寬專登搞到自己胃痛，扮被車撞倒，滿月變婚宴，我都覺爆笑．用隻手頂住隻船，替高ｌｉｎｇ擋雨，齊寬當健身教練的原因就是為了此．都幾ｓｗｅｅｔ

到最後齊寬仲用左一個真係超出位既手法，去感受高ｌｉｎｇ既壓力，同有錢女試下去拍拖，令有錢女知道自己的問題，又讓自己感受高ｌｉｎｇ，雖然匪夷所思，但我覺得好特別，估佢唔到．最後在海灘的大石，再刻一次”我要娶高志玲，小齊”，高ｌｉｎｇ點會唔感到呀！編劇呢招”點！”

林生，佢又是另一種表達喜劇感，幽默感的方法．齊寬呢個角色變成真係好似為林生度身訂造似的，所以出來效果好好．要跟鄧萃雯演技如此老練的人同場演出，首要條件，演技好，否則唔好睇，又要襯到清麗脫俗既吳美珩，因為如果差一點，又點會令承受咁大壓力既高ｌｉｎｇ都願意下嫁齊寬，仲要有少男情懷，有給人”對感情專一及正直純品”的說服力，監製潘嘉德選對了人，

2008 太極

2008年3月8日

今天＜太極＞在將軍澳新都會天幕廣場宣傳，我地一班趙爺既支持者，趙爺難得來港，就要去支持下．當中不乏武功高R小姐，小文，佢地明天仲要參加武術比賽．喜歡趙爺既，多是武術界，或是喜歡看功夫／動作片．還記得２００２年，凌晨四時與R小姐出機場，等趙爺，那時真係驚鴻一瞥．當時，我地真傻氣十足，依家我點都唔會凌晨去機場．．．．

演戲呢，趙爺演技普通啦，但功夫，真係好精彩．．．．．所以我當佢係武術家，趙師傅，多過一位演員．佢今日宣傳會上都話推廣”太極”，我估佢所指既係”太極”呢種武術．．．

趙爺功夫了得，我好喜歡看他打太極，今日宣傳都有打下，教下林峰，馬明．R小姐好緊張，驚影唔到好照片，當然啦，她跟趙爺亦師亦友．趙爺昨天到港，在機場已說笑問：”聽聞你的功夫好的”

今天有幾位趙爺的支持者，兩年前已去過雲南，探過”太極”班，於是活動後，就講番當時探班既情形，如吳美珩好好人，跟他們聊天，請趙爺吃雞．．．．

林峰打得唔錯，而林生的粉絲好有禮貌，適當時候才叫林峰的名字，其他人說話，他們會乖乖的．我估林生也想馬明有得影下相，所以馬明今天腳痛，也要拉他一起跟趙爺學太極．

看得出銘Sir真係好喜歡太極，他也站出來要說兩句，強調看太極絕不浪費時間，他拍到都好感動．吳美珩好難得，竟然出來宣傳，ｋｅｅｐ得好好．仲有杏兒趕往內地做野，都要亮下相，佢都好有心，演員眾志成城．

而後來李暉也帶來一班徒弟，跟卓卓及影迷齊齊耍太極．．．場面蠻好看．

活動後，當然是找快＊＊沖照片，我地去台灣牛肉麵吃東西，我們七咀八舌，而突然有人說；”鴻仔，馬明，（區瑞偉）．．．進來．”

L小姐喜歡鴻仔，又點會錯過跟他合照的機會，鴻仔演戲又真係正，好到好似龐班，在”野蠻奶奶”中cam cam又得，”上海傳奇”忠忠直直又得

我就請了區生跟我合照，以前讀書時，睇＜大運河＞，好喜歡區生演既李靖，機緣巧合遇上，我都想留個紀念．完成廿年前既心願．

 昨晚三月二十五日的太極真的很精彩

首先趙文卓與林峰對打．唔怪得趙爺讚林峰聰明，很快就學到如何打，以林峰都唔係識打既人，真係勁．

2008年3月26日

昨晚所見，似模似樣，雖然遠鏡一睇就知係替身，但近鏡埋身肉搏就係林峰自己．無記，趙爺及攝影師亦功不可歿，拍出了一場精彩的打鬥．

而胡杏兒兩場與林峰的戲亦令人叫好，

林峰質問杏兒點解唔走，佢最唔想就係畀杏兒見到佢畀人打成咁．

杏兒亦交足戲，喊得okay.

另外，杏兒怪林峰公報私仇殺巫馬．

林峰演流淚戲真係高手，繼”溏心”Alfred臨死一幕觸動唔少人，包括我，昨晚兩場戲，林峰完全掌握到角色神髓，痛心，無奈，深深不忿，對巫馬的恨，對子規的愛．．．

但拉小提琴．．．真係有點突兀， 無錯，借助音樂企圖平伏自已的情緒，講得通，但曉星拉小提琴，本來我都睇到好沉重，但都忍唔住笑出來，仲要講句：”呢首係巴克送畀太太既作品．．唔易拉．’

我不會因為＜最美麗的第七天＞，Kelvin , Niki生癌而感動，我卻會因為曉星對子規的愛而感動，而林峰的演出精彩