我的野蠻奶奶

Aug 22, 2007

近日幫襯左無記劇集出租既專門店，終於畀我租番“我的野蠻奶奶”來看，我同父親睇到好開心．

父親就好鍾意睇“我的野蠻奶奶”既胡杏兒，但睇“亂世佳人”個時，佢仲話胡杏兒“唔得”，又再一次證明，劇集真係好影響觀眾對演員既觀感．

“我的野蠻奶奶”既汪阿姐真係好勁，跟以往不同，好搞笑，佢真係乜都可以，好佩服，我真係估唔到佢連喜劇都演得，平時睇佢咁嚴謹同一本正經．

佢同胡杏兒“霸王雞鬥鐵咀雞真係好精彩，竟可與阿姐胡杏兒鬥戲，而唔輸蝕，睇左杏兒幾部劇，呢部最正．

黃宗澤，夠放啦，有喜劇感既小生．而佢係少有既小生，可以咁“嗲”，可能“嗲”慣阿媽，在“賭場風雲”有一幕“嗲”楊怡，“我的野蠻奶奶”就“嗲”胡杏兒幾次，有一幕，講胡杏兒走，佢要挽留她，我笑左幾分鐘，“一個忠誠既老婆奴”“不留名，打不死”．．．．．．表情多多，笑破土皮