賭場風雲

Aug 14, 2007 2:41 PM

近年好少看無記既劇集，雖然Bosco拍了十九部電視劇，我都無乜點睇過，就算有ｄ睇過，都係睇左幾集，無興趣追劇．

講黎都好奇怪，我第一部完整地看完Bosco的電視劇，是“上海傳奇”，三星期前，買了內地DVD黎睇．因為我喜歡那個年代發生的故事，故事就真係無新鮮感，苗僑偉飾演義薄雲天的退隱江湖大佬，入型入格，而Bosco飾演九仔，是一個很討人喜歡的角色，有情有義，痴心，幫楊思琦追男仔，最後還做卧底，不過，呢D角色，不過，開開心心，又痴心既角色，我估Bosco都做唔少啦．

近日我睇回“賭場風雲”，當日，我都係睇左幾集．今次一口氣睇哂．Bobby , 三哥與萱宣已經係一個超勁陣容，Bobby今次真係有戲演，在父母牌位面前哭，很棒！三哥，奸既，城府深既喬正初都好突出，加埋首演爛賭婆萱宣，都已經係不敗啦，那管劇情有多麼不合理的地方．收視保證！

有了收視保證，當然唔少得年青一輩的演員，畀個機會佢地磨練下，扶下佢地．

當時ｄ人話Bosco似扮李少好，醜化自己，我就覺似“大時代”劉青雲，方展博初時訓街，放棄自己，後來在股壇尋回自己的價值．三個男主角，最有發揮既角色，一定係張來富，因為角色的心理變化最大，由自卑訓街，連說話都沒有信心的乞兒，到意氣風發，狡猾，說謊也自然到不得了的少年賭神，對老練的演員而言，這是一種演技的表現及示範，而對於新人，這角色一定係演技考牌作，Bosco始終人生閱歷不太多，但他的表現，新人來說，已經唔錯，好投入，好努力去演．由叫化子到型仔look，無記心機無白費，觀眾喜唔喜歡Bosco一件事，但黃宗澤的潛質同可塑性真係好高．

最近睇過一本叫“talkies”的英文訪問，講到訪問拍照期間，那記者就咁寫”he is courteous throughout and effortlessly professional”．

楊怡演戲，真係好正，特別是流淚，我都睇到好心酸，無論係“糖心”，“賭場風雲”，佢同Bosco都幾合拍，特別在“賭場風雲”，楊怡演貪錢女仔又夠放，仲勁過Ada當年在“天地豪情”的Diana．我最喜愛新晉女演員，一定係楊怡同唐寧，兩個都係又靚又好演技