第二十八集, 最多網民喜歡既係鼓佬, 黑仔, RONNIE 那場戲, 一份情懷, 一份男士的浪漫. 年少可以有理想, 但人大了, 就要為口奔馳, 當理想唔可以當飯食既時候, 唯有擺埋一邊. 鼓佬, 黑仔, RONNIE 年少好多, 頑劣多好, 後生可以追求理想, 長大了以後, 生命必須妥協, 搵錢最實際.
黑仔, 鼓佬為左 EMMA副身家, 爭相拉攏RONNIE呢個最忠誠既朋友, 甚至捉左RONNIE個仔, 為左利益, 朋友之間, 變成了互相要脅, 互相利用, 真係好可悲, 曾幾個時, 大家熱心夾BAND, 窮到無錢開飯, 無錢交租, 都要為理想, 長大了, 變哂質, 整集朋友間爾虞我詐, 結尾是回到從前, 終於交代點解佢地要上雪山, 原來係想散BAND 之前, 去睇Rock Fest ! 但世事難料, 理想變成悲劇. 一個好強烈的對比, 年少時候無條件去追求理想及現在為錢不擇手段. 鼓佬, 黑仔, RONNIE本身亦好感憾, 所以有一場戲, 講佢地一齊填"年少無知"呢首歌既歌詞, 呢段情節, 真係舖排得好好. 三人對人生的唏噓無奈. 睇番"年少無知"既歌詞, 第一段係講鼓佬, 第二段係黑仔, 最後一段係RONNIE, 副歌部份, 係佢三個人既感慨.
沒有留言:
張貼留言