刑警

Nov 10, 2010

無記既<刑警>, 雖然又被人話係抄劇,  但美國本土, 都係劇抄劇, 韓國本土, 劇集也有很多類似. 我個人覺得, 最緊要抄得精彩, 再加入本地既元素, 令觀眾有共鳴就可以啦.       

<刑警>黃日華, 苗僑偉, 萱宣 這個配搭, 雖然有人話八十年代FEEL, 但我覺得, 起碼有新鮮感, 仲有黃浩信, 唔駛次次都係黃浩然. 故事都唔錯, 在處理每一單案件的同時, 黃日華的STONE SIR 又要為自己翻案,  牽引住D 觀眾, 想知道黃日華幾時尋冤得雪. 美劇好興用呢招, 主角一邊處理自己既CASE, 一邊查案,  除左" LIFE", "MENTALIST"都係咁. 我覺得無記<刑警>用呢種手法都不俗.

而STONE, 老婆及吉吉, 那段感情亦處理得不錯, ＂過左去，就追唔番＂，合情合理，係成年人成熟理智的做法, 好過寫埋D死纏不休, 或是互相傷害既劇情, 反而是體諒與包容, 令人感到窩心. 而女兒終於體諒到STONE SIR , 叫他爸爸, 真替STONE SIR高興。　

苗僑偉Mad Sir擺出不羈型男姿態，跟萱宣鬥氣，幾好笑。幽默型男緩和了緊張的警匪情節，因為Stone Sir那一部份, 有時候都幾沉重.不過, 看到黃日華, 苗僑偉親身上陣的動作場面, 真的覺得他們好專業.  

依家希望<刑警>唔好虎頭蛇尾........