紅衣手記

May 27, 2009

2001年作品-紅衣手記

如果唔係學護轉制, 呢套劇都唔駛擺係凌晨播映掛?

"紅衣手記"講班學護三年讀書的過程, 唔少得, 當然有醫學常識, 護士所遇到的問題. 但人事關係就比"妙手仁心"簡單, 亦無乜爾虞我詐. 佘詩曼同陳鍵鋒鬥氣好好笑,因為二人都係串串槓.

呢個劇, 有個case 都令我睇到流淚, 患了肝病的王伯等個孫女回來, 與護士容德基建立了友誼, 容德基照顧病人之餘, 仲好有耐性跟病人聊天, 我想現在政府醫院咁忙, 依家d 護士邊有咁多時間同病人閒聊.  王伯死後, 其孫女交了份禮物給容德基, 王伯一早為容德基準備的禮物. 我睇呢段戲, 忍唔住喊左出黎, 仲慘過容德基.