學警狙擊係學警系列既第三輯, 我個人黎講, 最喜歡呢一輯. 編劇們真的寫得不錯. 每一集尾段的劇情都能夠引你去追看下一集, 而寫"情"亦細膩, 芯姐,laughing 哥同孝哥的三角戀, 悠悠同立文, 柏翹同若葆, 橋段唔係新, 但我覺肯慢慢花心思去舖排, 所以你不會覺得太突兀. 只是哮喘, 不懂游泳的若葆是否真的可以當警察......我真的懷疑.....
而寫父女情, 母女情, 都okay, 雖然, 我覺得有d位, 都係寫得公式化一點
演員真係每一位都稱職, 立文, 柏翹, 真人同劇中人一樣, 成長了不少, 吳卓羲 同陳健鋒都做到角色既要求, 只是昨天看見立文跟悠悠說:"連支酒都保不住, 點保護個女朋友", 我覺ron的感情戲都仲係差少少, 江若琳同梁嘉琪, 拍戲唔多, 今次都恰如其份.不過, 我覺得陳健鋒做得最好, 都係"千謊百計"既徐風, 佢真係奸得起.
最突出係laughing哥謝天華同喇叭林子善, 謝天華九十年代拍古惑仔演大天二已經好出色. 之後看 "法網伊人"演律師, " 女人唔易做"賤man , "鐵齒銅牙"方唐鏡, 仲有師奶股神的那個阿伯造型......看得出他在每一個角色, 由造型, 神態, 語調花了好多功夫.他真是一位好好的演員.
沒有留言:
張貼留言