[學警狙擊]感想

Mar 26, 2009 

雖然"學警狙擊"劇情有好多唔合理既地方,  犯駁位好多, 但我都好喜歡呢個劇, 我都唔會去問點解咁架.......有d場面設計, 拍攝手法, 都好有電影感, 而人物設計, 好突出, 除了laughing之外, 小公主, 幸運王子, 天哥, 孝哥, 芯姐, 阿忠, 喇叭, 其實好突出 .

無記好多劇如 [陀槍師姐], [刑事偵輯檔案], [新紮師兄]去到第三輯, 就已經麻麻地.

而 "學警狙擊"卻是"學警"系列, 最多人讚的一部, 好意外. 我初時都無期望, 起初見到預告片說學警又黎, 睇開有感情的心態下, 睇下呢部, 真係喜出望外. 

鍾立文同李柏翹是三輯學警的主線人物, 如果你有看之前兩輯, 你就會更加喜歡呢輯兩人的兄弟情. 他們兩人在爛屋的兩場戲好正, 如一次, 柏翹對阿文說自己是天煞孤星, 所以唔想同若葆結婚, 另一幕是, 柏翹知道laughing是臥底, 自己殺錯人, 阿文約見柏翹: "約你黎, 就係唔想你亂[諗] 野".  

想唔想 "laughing 哥"番生?  我想架, 我想學警iv 有佢囉, 雖然好似唔合理, 但現實生活已經好殘酷, 電視劇給觀眾一個希望, 點解唔可以呢?

看到討論區網友批評梁嘉琪, 有時佢真係唔夠投入, 但始終係新人, 點可以要求佢做到好勁, 佘詩曼初初演戲都畀人彈, 努力既佢, 終於現在被人讚, 做埋視后, 大家都係畀d機會新人.  唔可以要求每位新人一出黎演戲, 就演得好好既.

無記就放番柏翹教藥保游水片段上網, 看後, 我都贊成無記cut左佢, 真係悶, 但點解無記常安排柏翹教人游水, 第一輯有fiona , 今次有藥保, 下一輯有無d新野睇下?

兩年一部, 下一部都要等到2011 啦!  忽發奇想, 阿文會不會再跟阿花在一起, 阿文會不會under laughing 哥?  柏翹今次已經係督察, 下輯會不會升到做警司同埋做老豆? 芯姐,三哥會不會再用另一身份出現學警?