<天與地>第二十集

Dec 21, 2011 8:49 PM

昨晚那集<天與地>有些對白,  值得咀嚼.

1.泉叔: " 如果一個蠢人. 無論做好人,或者做壞人, 都無所謂, 因為影響唔大, 但係聰明人只有一條路可以行, 就係做好人. 如果唔係, 就會越踩越深, 番唔到轉頭, 佢身邊既人都番唔到轉頭  " .  

2. 鼓佬: " 如果有人可以為基層既人出頭,果個都會係奸人,我地首先要滿足佢既私慾,佢先會有空閒去為基層出頭存好心既人係無可能係政界生存,因為好心既人係無可能係政界入面勝出."

3. 鼓佬認為YAN 寬恕了他們,  黑仔反駁: " 佢(YAN)無得揀, 連報仇都無得揀, 佢無辦法唔承認我地係佢朋友, 佢無辦法為家明報仇, 無辦法畀自己一個交代, 佢依家無出路. 或者, 真係我死左, 佢先至可能, 可以鬆一口氣, 重新開始."

昨晚那集<天與地>, 每一幕對白都精心安排, 角色心理變化, 演員都掌握得非常好! 鼓佬泉叔為選舉爭執之事, 黑仔躺在醫院, 鼓佬去試探他, RONNIE睇穿鼓佬心意, EMMA跟家姐的對話, 鼓佬就隨波逐流, 黑仔就隱退, 做番自己. YAN就逃避了, RONNIE就無奈接受一切. EMMA就長大了, 知道有些事不可以勉強, GINA選擇了幫自己老公.  連朱慧敏跟張國強那一段對手戲, 都令人叫好!